సమిధనయినా...చాలు!

 శ్రీశ్రీ నాటిన అభ్యుదయ సాహితీ వనంలో ..
నేనొక గడ్డి పూవునయినను చాలు . 

ఆ అభినవ సూరీడు నడిచిన దారిలో......

        ఇసుక రేణువునయినను చాలు

ఆ అభీకుని కలం విదిల్చిన మహా ప్రస్థానంలో 
చిరు సిరా బొట్టు నయిననూ చాలు . 

ఆ కవీంద్రుని  కలాన జారినకావ్యంలో  ....... 

     నేనొక అక్షరమయిననూ చాలు . 

ఆ దార్శనికుని కవన సంద్రాన 
 ఎగిసిన అలనయినా చాలు . 

           భాదిత జనాల బాసట  నిలువగ,

           పీడిత జనాలకూపిరులూదగ ,

   ఆ అభీకుడు తలపెట్టిన 
మహాయజ్ఞం ప్రజ్వలించుటలో 
సమిధనయినా మేలు. 

ఆ మహనీయుని ఆశయాల సాధనలో 
నా  ఉడత సాయమందిస్తా ... 

సమ సమాజ స్థాపనలో ,
నా చిరు కవితాస్త్రాన్ని  సంధిస్తా .... 

(నాలుగో తరగతి నుండే శ్రీశ్రీ గారి కవితల్లో అర్ధాన్ని గ్రహిస్తూ,
వారినే అనుకరిస్తూ చిరు ప్రాయం నుండీ శ్రీశ్రీ గారి ఏకలవ్య శిష్యురాలిగా నన్ను నేను ఒక విప్లవకవితతో కవయిత్రిగా మలుచుకొన్నా... వారి జయంతి సందర్భంగా 
నివాళులర్పిస్తూ.......సాలిపల్లిమంగామణి  @శ్రీమణి  

                                             కళావేదిక కల్చరల్ &ఛారిటబుల్ ట్రస్ట్ 

                                                                                 సాలిపల్లి మంగామణి @శ్రీమణి 

                                                                                (కళావేదిక కల్చరల్ &చారిటబుల్ ట్రస్ట్ )