ఏడాదికొకసారి

*ఏడాదికొకసారి*

కవిత రాయనే లేదు 

కలం ముట్టనే లేదు

గళం విప్పనే లేదు

కర చాలనమైనా చేసి

తోటి మహిళామణులకూ

అభినందనలర్పించనే లేదు

మా మహిళాదినోత్సవమనే

మహదానందవేళ .........

ఒక స్నేహితుడు పంపే

పలకరింపుకోసం

ఒక అన్నయ్య పంపే

అభినందన కోసం

ఒక తమ్ముడు రాసే 

ఆత్మీయ కవిత్వం కోసం

ఆదమరచక చూస్తున్నా

ఆశీస్సులకై నిరీక్షిస్తున్నా..

మీ అందరి శుభాకాంక్షల 

వెల్లువ కోసం,చూస్తున్నా... 

మౌనంగా చూస్తున్నా,

మీ అందరి అంతులేని

అభిమానాన్ని ఆసాంతం

ఆస్వాదిస్తున్నా...

మరపురాని ఈరోజే గా 

మహిపై మహిళ మహిమను 

మనస్ఫూర్తిగా కొనియాడేది..

మది విహంగమై

విహరిస్తుంది...

మావిశిష్టతను వేనోళ్ళ పొగిడే 

ఏడాదికొక రోజు గా మరి..

మహిపై మామూలుగా 

మనుగడ సాగించే మాకు 

మాన్యతనాపాదించే రోజుని

మారాణులని కీర్తించే రోజుని

మౌనంగా తిలకిస్తున్నా

మా అనురాగాన్ని, త్యాగాన్ని,

చెలిమినీ, గుర్తించే రోజుకదా!,

కుటుంబ క్షేమంలో, 

సమాజ సంక్షేమంలో 

మా పాత్ర ఔచిత్యం గోచరించే ఈ రోజున మీ ఆశీస్సులతో 

తరించి పోవాలనీ అందుకే

రోజంతా ఆనందాస్వాదనమే, సంభ్రమాశ్చర్యాల సమారంభమే....

తనివి తీరకుంటుంది..

తరచితరచిచూసినా శుభాకాంక్షలపరంపరలోతలమునకలవుతూ....

*సాలిపల్లి మంగామణి (శ్రీమణి)*