జై సంతోషిమాత

నిత్యసంతోషిణీ కనకత్కనకభూషిణీ

ఆనందరూపిణీ అభయప్రదాయిని

సర్వమంగళ కారిణి

శ్రీవాణీ శ్రీదేవికారూపిణీ

శక్తిస్వరూపిణి,భక్తరక్షామణీ

జగత్ సంతోషరాణి

మా జననీ సంతోషిణీ

హృదయమంతా నిండి

నీ దివ్య రూపమే

నిత్యమూ సేవింతు

నీ ధ్యానామృతము మాత్రమే

వేడుకొంటున్నాము తల్లీ

వేదనలు తీర్చవా....

గుండెల్లో గుడి కట్టి

కొలుచుకొంటున్నాము..తల్లీ

కాచి కాపాడవా...

జగత్ సంతోషరాణి

మా జననీ సంతోషిణీ

కలనైన మాకనులు

నిను మరువలేదు

రక్షరక్షాయంటూ 

లక్షల్లో నీస్తోత్రాలు

చేసాము తల్లీ 

రక్షించరావా మాకల్పవల్లీ

నిశ్చేతనుల్నయిన చైతన్యమొందించు

నీ కృపా కటాక్షములు

మాపైన ప్రసరించి

సాయమందించవే

సార్వభౌమామణి

జగత్ సంతోషరాణి

మా జననీ సంతోషిణీ

కల్లోలమును బాపి

కళకళలు పంచేటి

కల్పతరువువునీవు

చింతలెన్నున్నా 

చిటికెలతీర్చేటి కరుణామూర్తీ

చల్లనీ నీచూపు మాపైన సారించి ఆనందమీయవా

ఆశీస్సులందించి

సర్వోపద్రవ నాశినీ

ఓ చారుహాసినీ

జగత్ సంతోషరాణి

మా జననీ సంతోషిణీ

*జై సంతోషిమాత జైజై సంతోషిమాత*

*సాలిపల్లి మంగామణి (శ్రీమణి)*