ప్రణయప్రబంధం

ప్రణయ ప్రబంధం 

ఎద నందన వనమున 
సుమసుగంధ వీచిక ప్రేమ
హృదిస్పందన శృతి లయగా 
వినిపించిన మృదుగీతిక ప్రేమ
మది సాంతం నిండియున్న 
వింత విషయసూచిక ప్రేమ
పడుచు మనసున విరిసిన మల్లియ ప్రేమ
కురిసిన వెన్నెల ప్రేమ 
కలలమాటున.... కనురెప్ప చాటున.... 
కన్నుగీటుతూ పలుకరించిన
కలవరింత ప్రేమ 
తొలి పులకరింత ప్రేమ 
ఇదే ప్రణయ ప్రబంధం 
జతహ్రృదయాలు
రాసుకొనే రసమయ గ్రంధం.
              
  సాలిపల్లిమంగామణి(శ్రీమణి)