రక్తమోడ్చు రహదారులు

రక్తమోడ్చురహదారులు

నేడు రహదారులపై ప్రయాణాలు
సాక్షాత్ యమలోకపు
దారులు
ఆధునికవాహనాల
శరవేగాలు
మనను కబళించే
మ్రృత్యుపాగాలు
నేటి మరజీవనంలో
ఇదిషరా..మామూలు
ఎక్కడచూసినా
రక్తమోడ్చు రహదారులే
దుఃఖ సంద్రాన నిండిన
నిండు జీవితాలే
గడపదాటి బయలెల్లిన
బాటసారి
మరల తిరిగి వస్తాడని
బ్రతికి బట్ట కడతాడని
భరోస వుందా నేడు
నిదానమేప్రధానమని
వాహనాలపై అక్షరాలు
అలంకారమేగాని
నిజానికి నినాదాన్ని పాటించేదెందరు
మత్తుల్లోతూలుతూ
తోలుతారువాహనాలు
చరవాణిని చేబూని నిదరోతూనడుపుతారు
శిరస్త్రాణం త్యజియించి
వేగాన్ని హెచ్చించి దూసుకుపోతుంటారు
నియమాలకు నీళ్ళొగ్గి
నిర్లక్ష్యపునీడల్లో పయనంచేస్తుంటారు
ఉడుకునెత్తురుఉరుకులాటలో
పరుగులు తీస్తుంటారింకొందరు
ఒక్కక్షణం
ఒకేఒక్కక్షణం
ఆగి ఆలోచించండి
మీనిర్లక్ష్యపు పోకడకూ
భాద్యతారాహిత్యానికీ
నిర్ధయగాబలయ్యేదీ
అనాధలై మిగిలేదీ
అభాగ్యులుగ మారేదీ
గుండె పగిలి ఏడ్చేదీ
అన్యంపుణ్యం ఎరుగని
నిన్ను నమ్ముకొన్న కుటుంబమే
అని మరచిపోకునీవు
నియమాలను మీరిపోకునీవు
అది...ప్రమాదాలకు తావు
కొనితెచ్చుకోమాకు...చావు
(నేటిఉరుకులపరుగుల యాంత్రికజనజీవనంలో ..
అడగడుగునా
ఎన్నోప్రమాదాలతో
రక్తమోడుతున్న రోడ్లు..తెల్లవారితే తెల్లారిపోతున్నజీవితాల కధనాలతో నిండిపోతున్న వార్తాపత్రికలను చూసి చలించి వ్రాసిన కవిత......)
సాలిపల్లిమంగామణి(శ్రీమణి)