*శ్రీమణి గజల్*
విరులతరుల సొబగులతో మురిసినదీ "పూలతోట"
ఏటిఝరుల గలగలతో తడిసినదీ "పూలతోట"
వానచినుకు ఒడిసిపట్టి మురిపెముగా ముద్దాడె
ధరణిపైన హరివిల్లుగ విరిసినదీ "పూలతోట"
మధువనిగా మరులుగొలిపె పూలతావి మనోహరం
మధుపముతో సయ్యాటకు పిలిచినదీ "పూలతోట"
రాచిలకల కిలకిలలకు రారమ్మని ఆహ్వానం
చిగురాకుల పందిరిగా వెలిసినదీ "పూలతోట"
ఆకుపచ్చ సోయగాన ఉదయరాగ సరాగమై
అంబరమణి శోభలతో మెరిసినదీ "పూలతోట".
*సాలిపల్లి మంగామణి (శ్రీమణి)*
Very nice
రిప్లయితొలగించండిమీ గజల్ చాలా బాగుంది. విభిన్న మైన అంశంతో అలరారింది.
రిప్లయితొలగించండిమనసును దోచింది. పులతోటలో విహరింపజేసింది.
Super
రిప్లయితొలగించండిSuperrr
రిప్లయితొలగించండిMi pulathota beautiful🌷🌷🌹🌹🌸🌺🎋🎋✍👌
రిప్లయితొలగించండి