ఎంత మధురమీ నిరీక్షణ

*ఎంత మధురమీ నిరీక్షణ*

నేనెక్కడ., నేనెక్కడ

నా మది ఎక్కడ,

నా తనువెక్కడ

నేనున్నది నా చెలికాని నిరీక్షణలో....

ఆతని తలపుల ఊహల ఊయలలో ...

ఎమైంది నాకీవేళ

ఎందుకింత ఆనందహేల

పక్షుల కిలకిలారావాలు

 కోయిలమ్మ కువ కువలు

అరవిరిసిన కలువలు

పైరగాలి పిల్లతెమ్మెరలు 

అవధుల్లేని ఆనందంతో 

నాదరి చేరి నాసఖుడరుదెంచు

 కబురేదో చెబుతుంటే

నాఎదలో ఏదో చిరుసవ్వడి

వింత వింత ఊహలతో 

ఏదో వెచ్చని అలజడి

అదిగో..నీలాకాశం నిర్మలంగా

 నవ్వుతుంది నన్ను చూసి

నీ నిరీక్షణ ఫలించినదని

నీ సఖుని చేరబోవు ఘడియ అరుదెంచినదని,

నా తనువంతా పులకరించే

 తన్మయంతో అలవోకగ 

నాఅధరాలు ఆలపించే

 కొత్తరాగాలేవో 

నా చెలికాని నిరీక్షణలో ...

నిరీక్షణ కూడా మధురమే కదా....*శ్రీమణి*

(11 సంవత్సరాలక్రితమే రాసిన కవిత)