ఇదేమి చిత్రమో

శ్రీశ్రీ కళావేదిఠ

శ్రీశ్రీకళావేదిక పుస్తకంలో 

నాకోపేజీ పోటీలో

20 ఉత్తమ కవితలలో

ఒకటిగా నిలచిన నాకవిత

విజయ గీతం రాసుకోవాలి

కాలమా... 

నేను ఏడవడం లేదు

కాసింత కళ్ళు చెమ్మగిల్లుతున్నాయంతే

ఇదిగో ఇప్పుడే చీకటిని తుడిచేసి

వెలుతురు ముగ్గేస్తున్నా

శూన్యాన్ని కాల్చేసి

వెలుగులు పూయిస్తున్నా

కలికాలం పాత్రలో కలుషితమైన

కన్నీటిని ఒంపేసి

కాసిన్ని నవ్వులు నింపేస్తున్నా

పుస్తకంలో నాకొక పేజీ కావాలి

నేనొక విజయగీతం రాసుకోవాలి

మసలుతున్న రోజులన్నీ

మనోహరకావ్యంలా 

మలచుకోవాలని వుంది

పోగేసుకున్న నాలుగు అక్షరాలను

కలబోసి నాలుగుతరాలకు 

అందించాలి

విధి లాగేసుకున్న నాదైన క్షణాలకు

లక్షణంగా అక్షరరూపం ఇవ్వాలి

నా హృదయం చవిచూసిన

అనుభూతుల తాయిలాలను

అంతే భద్రంగా పదిలపరచుకోవాలి

పోగొట్టుకున్నదేమిటో...

పోగేసుకొన్నదేమిటో చక్కగా

లెక్క రాసుకోవాలి

నే చూసిన ఈ సమాజాన్ని

రేపటికై చిత్రించాలి

నే సంచరించిన

కాలగమనంలో నే సేకరించిన

అనుభవసారాన్ని ఆమూలాగ్రమూ

ఆ పేజీలో పొందుపరచుకోవాలి

ఆ చరిత్రకు పయనమయ్యేలోపు

ఈ ధరిత్రికి దూరమయ్యే లోపు,

అందుకే ఆపుస్తకంలో

నాకొక పేజీ కావాలి.

*సాలిపల్లి మంగామణి (శ్రీమణి)*

🙏🌺🌺🌺🌺🌺🌺🌺🌺🙏ఈరోజు ఆకాశవాణి (All India Radio)విశాఖపట్నంకేంద్రంలో ప్రసారం కాబడినమహిళా వాణి కార్యక్రమంలోనా స్వీయ కవితాగానం వినిమీ అమూల్యమైన స్పందనలనుఅందించి ఆశీర్వదించగలరు *సాలిపల్లి మంగామణి (శ్రీమణి)*🙏🌺🌺🌺🌺🌺🌺🌺🌺🙏

🙏🌺🌺🌺🌺🌺🌺🌺🌺🙏

🙏🌺🌺🌺🌺🌺🌺🌺🌺🙏
ఈరోజు ఆకాశవాణి
(All India Radio)
విశాఖపట్నం
కేంద్రంలో ప్రసారం కాబడిన
మహిళా వాణి కార్యక్రమంలో
నా స్వీయ కవితాగానం విని
మీ అమూల్యమైన స్పందనలను
అందించి ఆశీర్వదించగలరు
*సాలిపల్లి మంగామణి (శ్రీమణి)*

🙏🌺🌺🌺🌺🌺🌺🌺🌺🙏 విని
మీ అమూల్యమైన స్పందనలను
అందించి ఆశీర్వదించగలరు
*సాలిపల్లి మంగామణి (శ్రీ

మణి)*
🙏🌺🌺🌺🌺🌺🌺🌺🌺🙏

మల్లినాథసూరి కళాపీఠం

*మల్లినాధసూరి కళాపీఠం, వనదుర్గ కళాక్షేత్రం,  ఏడుపాయల*

వారు ప్రపంచ కవితా దినోత్సవాన్ని పురస్కరించుకుని  

*కళా పీఠం స్వేచ్ఛ* 

శీర్షికలో 

*కళా పీఠం పాళీల స్వేచ్ఛ* 

అంశంలో ప్రతి దినమూ నిర్వహిస్తున్న కవితా స్రవంతిలో రచనలు చేసి పాల్గొన్నందులకు 

మొమెంటో తో సత్కరించిన శుభ సందర్భం.. 

మీ ఆశీస్సులు కాంక్షిస్తూ...

                        *శ్రీమణి*

*అంతా మిథ్య*

అంతా మిథ్య,అబద్ధమేదో 

అసలు వాస్తవమేదో

నేటి ప్రపంచమే 

ఒక మాయాజాలం

అసలేదో సిసలేదో

అంతుబట్టని ఇంద్రజాల

మహేంద్రజాలం

అగుపించేవన్నీ 

అభూతకల్పనలే 

అడుగడుగునా తారసపడేవి

నగిషీ చెక్కిన

నకిలీ అవతారాలే

అన్నీ  అంగుళమెత్తు

పులుముకున్న మేకప్ ముఖాలే

సహజత్వాన్ని వాస్తవాన్ని

ఉన్నదున్నట్టు ఆహ్వనించలేకున్నాం

పైపైమెరుగులకై అర్రులుచాస్తూ

అచ్ఛమైన దానిపై నిర్లక్ష్యం వహిస్తున్నాం

నాణ్యమేదో నకిలీయేదో

కనిపెట్టలేని కనికట్టు

లోగుట్టు పెరుమాళ్ళకెరుకయన్నట్టు

మనిషిలోపల మరోమనిషి

రంగురంగుల లోకంలో

అడుగడుగునా మోసమే

అసల ఆరాటమంతా

హంగు ఆర్భాటాల కోసమే

నాగరికత ముసుగుల్లో

నానాటికీ దిజారుతున్న విలువలు

ఆధునికత మోజుల్లో

చిలువలు పలవలుగా పెరుగుతున్న

ప్రాశ్చాత్యపు పోకడలు

అడుగడుగునా మేకప్ ముఖాలతో

మోహరించే లోకంలో

అచ్ఛమైన ముఖాలు ఇక

ఊహలకే పరిమితాలు కాబోలు.

  *సాలిపల్లి మంగామణి ( శ్రీమణి)*

గోదావరి రచయితల సంఘం ప్రశంసా పత్రం

ప్రపంచ కవితా దినోత్సవం సందర్భంగా గోదావరి రచయితలసంఘం ఆధ్వర్యంలో జరిగిన కవితోత్సవంలో పాల్గొని ప్రశంసాపత్రం అందుకొన్న శుభతరుణం

                 ... *శ్రీమణి*

 🌹🙏🙏🙏🙏🙏🌹

మనిషితనం

*మనిషితనం*

మధనం..మధనం

మానవ జీవన గమనం

ఆగమనం నిష్క్రమణం

తప్పనిదే మనజీవన ప్రస్థానం

అది ఆద్యంతం అంతర్మధనం

ఆ...మధనం అమృతాన్నే 

అనుగ్రహిస్తుందో!

దావానలమై దహిస్తుందో

 దైవానుగ్రహమే....

భారమెంతగా వున్న

భరించడం పరిపాటే

వెతలు వెంబడిస్తూ వున్నా

ఎదురునడక కాలం వెంటే

ఏమిటో ఈ జీవితం

నిప్పుతో చెలగాటం

తప్పదని తెలిసినా

తప్పించుకోలేని తప్పనిసరి

పోరాటం..

తప్పు మనది కాకున్నా

తప్పనిదీ ఆరాటం

మనం మరణించినా 

మనుషుల

మనసుల్లో మనుగడ సాగించేది

మాత్రం మనలోని మనిషి తనమే.

*సాలిపల్లి మంగామణి (శ్రీమణి)*

మల్లినాథసూరి కళాపీఠం

నిత్యం సాహితీ సేవలో భాగంగా "మల్లినాధ సూరి కళాపీఠం" ఏడు పాయల (కొండలు) వారు నిర్వహించిన "కవి కోకిల వాల్మీకి మహర్షి" అనే అంశంపై రచన చేసి  మెమొంటో అందుకొన్న శుభ సందర్భం

మీతో పంచుకోవాలనే అభిలాషతో 

మీ ఆశీస్సులు ఆకాంక్షిస్తూ.. శ్రీమణి

🙏🌹🌹🌹🌹🌹🌹🙏

ప్రపంచ కవితా దినోత్సవం సందర్భంగా తెలుగు కళివేదిక,వే ఫౌండేషన్ సంయుక్త ఆధ్వర్యంలో జరిగిన కవితోత్సవంలో పాల్గొని ప్రశంసాపత్రం అందుకొన్న శుభతరుణం ... *శ్రీమణి* 🌹🙏🙏🙏🙏🙏🌹

ప్రపంచ కవితా దినోత్సవం సందర్భంగా తెలుగు కళివేదిక,వే ఫౌండేషన్ సంయుక్త ఆధ్వర్యంలో జరిగిన కవితోత్సవంలో పాల్గొని ప్రశంసాపత్రం అందుకొన్న శుభతరుణం

                 ... *శ్రీమణి*

 🌹🙏🙏🙏🙏🙏🌹

అకటకటా..!

అకటకటా..!
అందరికీ మచ్చికైన
అందాల పిచ్చుక
మచ్చుకూ...మిగలదంట
అంతరించబోతుందట
బుజ్జిబుజ్జి పిచ్చుక
పిట్టకథలకే పరిమితమంట
చిట్టిపొట్టి పిచుక కథ
కంచికి చేరబోతుందట
బంగారు పిచ్చుకకు భూమిపై
నూకలు చెల్లిపోయెనంట
కిచకిచలింక వినబడవంట
అచ్చిక,బుచ్చిక మాటలు కావివి
శాస్త్రవేత్తలు నిగ్గుతేల్చిన పచ్చినిజాలు
ఈ దారుణమారణకాండకు
మనమే కారణమంట
మన విచ్చలవిడి వికిరణాల
విషప్రయోగధాటికి,ప్రకృతిప్రకోపానికి,భానుని తాపానికి,పెరిగిన భూతాపానికి
తాళలేక,తలదాచుకునేవీలులేక,
గ్రుక్కెడు నీళ్ళు దొరక్క,
డొక్కలెండి,రెక్కలుడిగి
అకటకటా.....కటకటమని నేలరాలుతున్నాయట
అమ్మో...!వింటుంటేనే గుండెకలుక్కుమంటుందికదూ..
మనమంతా కాకమ్మ,పిచ్చుకమ్మ
కధలు వింటూనే పెరిగాం..
పిచుకమ్మేగా....మన అభిమానకధానాయిక
అలనాటి మన పిట్టకధల్లో...
పిచ్చుకలేని బంగారు బాల్యం
ఊహించగలమా.....చిట్టి పిచుక
మట్టికలవబోతుందంటే,తట్టుకోగలమా
అందుకే...అందరం..
ఒక నిమిషం ఆలోచిద్దాం
మన ఆత్మీయనేస్తాల కోసం
గుప్పెడు గింజలనూ,గ్రుక్కెడునీళ్ళనూ
అందుబాటులో వుంచి...ఆదుకుందాం.
మన తప్పిదాలకు మనవంతు
పరిహారం చేసుకుందాం
మరుగబవబోతున్న మరోజాతిని
మనమే బ్రతికించుకొందాం.
(అంతర్జాతీయ పిచ్చుకల
దినోత్సవంసందర్భంగా).. *శ్రీమణి*

నిత్యం సాహితీ సేవలో భాగంగా *"సేవ"* సిగ్నల్ సమూహంలోఏరోజు కారోజు కవితా పోటీ నందు తేది 12.03.2021 న ప్రధమ బహుమతి పొందిన శుభ సందర్భంగా ప్రసంసాపత్రం అందుకొన్న శుభ సందర్భంగా మీతో పంచుకోవాలనే అభిలాషతో మీ ఆశీస్సులు ఆకాంక్షిస్తూ.. *శ్రీమణి*🙏🌹🌹🌹🌹🌹🌹🙏

నిత్యం సాహితీ సేవలో భాగంగా *"సేవ"*  సిగ్నల్ సమూహంలోఏరోజు కారోజు కవితా పోటీ నందు తేది 12.03.2021 న ప్రధమ బహుమతి పొందిన శుభ సందర్భంగా  ప్రసంసాపత్రం అందుకొన్న శుభ సందర్భంగా మీతో పంచుకోవాలనే అభిలాషతో మీ ఆశీస్సులు ఆకాంక్షిస్తూ..

                   *శ్రీమణి*

🙏🌹🌹🌹🌹🌹🌹🙏

మేలైన తరుణమనీ...

*మేలైన తరుణమనీ...,*

మేలుకొంటి వేకువనే
మేలిమి బంగరుసామిని
మేలుకొలుప
మేలైన తరుణమనీ...,
మరులు గొలిపె మాధవునికి
మరుమల్లెల మాలనల్లి
మనసారా ... మోకరిల్లి
మదిలో మెదిలే మధుర
భావాలను...
మదన గోపాలుని
పాదాలపై పదిలంగా పరిచానంతే..,
మువ్వగోపాలకృష్ణా...యని
ముదమారా...పిలిచానంతే...,
ప్రణయ సుధా మాధవా...అని
ప్రియమారా...తలచానంతే...
తనువు,మనసూ తదేకమై
తన్మయమై
తన తలపులు లోగిలిలో
తలవాల్చుకునిదురించిననాకు,
మరుమల్లియ మాల...విరిసిన
నా కవితల పూమాలై
కనుల ముందు సాక్షాత్కరించింది...
కమలాక్షుడిలా కటాక్షించె
కాబోలు..... కడుచిత్రంగా..,
(మాధవుడే నను నడిపించే నాగురువు )

*సాలిపల్లి మంగామణి (శ్రీమణి)*

శ్రితకల్పవల్లీ..

*శ్రితకల్పవల్లీ*

శ్రీమాతా శ్రీచక్రవాసినీ
శ్రితకల్పవల్లీ,
శ్రీ కనక మహాలక్ష్మి కళ్యాణీ,
కనకత్కనక భూషిణి, కామాక్షి,
శ్రీకనక దుర్గాంబికా

ముగ్గురమ్మల మూలపుటమ్మవి
అష్టలక్ష్మీదేవి అవతారమే నీవు
నీపాద మంజీరనాదాలే
మాపాలి సంజీవనాదాలు
నీ కనుసైగ చేతనే
పెనుద్రవములైనా తప్పు
అమ్మా ఆపద్భాందవీ
అనాధరక్షకీ కాచి కాపాడవే
కటాక్షమ్మునీయవే

జగజ్జననీ.. జగదానందకారిణీ
విశాలజగమునేలేటి విశాలాక్షీ
కోరిన కోరికలీడేర్చేటి
కొంగుబంగారుతల్లీ
సకలైశ్వర్యకారిణీ
సర్వసౌభాగ్యదాయినీ
అనుగ్రహంబీయవే
అమృతవర్షిణీ

ఆర్తులపాలిట ఆశ్రితదైవమా
నిశ్చేతనములనైనను
చైతన్యమున్ చేయు
నీకరుణావీక్షణాలు ప్రసరించి
మము బ్రోవు సర్వోపద్రవనాశినీ
అరుదెంచవమ్మా అఖిలజగానికి
అభయమునీయగ ఆశ్రితదైవమా.

*సాలిపల్లి మంగామణి (శ్రీమణి)*

విషస్వప్నం

అదేదో రాకాసికల

రాతిరిని చంపి రక్తం తాగేసింది

అందమైన భావాలను

హత్యచేసి నన్ను అగాధంలోకి

లాగేసింది

నా ఆశలపై చప్పున నీరు చిమ్మి

నన్ను నిర్దాక్షిణ్యంగా

నైరాశ్యపు నడివీధికీడ్చి

నను ఏమార్చి

మగతనిద్రలో విగతజీవిగా..మార్చి

విషస్వప్నమై వికటాట్టహాసం

చేసింది...

  ‌‌                      శ్రీమణి.

ఈశ్వరా...

*ఈశ్వరా...*

నిన్ను నమ్మిన మదికి
మాలిన్యమంటునా...
నిను కాంచిన కనులు
అంధకారమెరుగునా...
నిను మ్రొక్కిన కరములకు
కొరవడునా అదృష్టం
నీనామస్మరణమే
అమృతాస్వాదనం శివా...
ఈశ్వరా యన్నట్టి ఏ ఇంటనైనా
ఇడుములకు ఇసుమంత
తావుండునా ...
మారేడు పత్రాన్ని మనసార అర్పించ
మారాతనే మార్చేటి మా రేడు వయ్యా
భోళా శంకరుడా బోలెడంత దయ నీది
నీ చల్లని చూపులే మా పాలిట
వేయి కాంతిదీపాలు
నీ కనుసైగ చేతనే కరుగును మాపాపాలు
దోసెడు నీటిని నీపై
మనసార జారవిడిచిన చాలు
అసలుండునా...ఆపై
కన్నీటి ఆనవాలు
దొడ్డ మనసయ్యా నీది జంగమయ్యా...
సర్వమూ నీకెరుకె సాంబమూర్తీ
ఆపద్బాంధవుడవయ్యా హరా
ఆదిదేవుడా...
మమ్మాదుకోవయ్యా ముక్కంటి
నీ దివ్య పాదాల మ్రొక్కితి
నీవే మా దిక్కంటూ మోకరిల్లి.

*(మహా శివరాత్రి శుభాకాంక్షలతో)*
    *సాలిపల్లి మంగామణి(శ్రీమణి)*

అంతర్జాతీయ మహిళా దినోత్సవం సందర్భంగా..

అంతర్జాతీయ మహిళా

 దినోత్సవం సందర్భంగా

నవ సాహితీ ఇంటర్నేషనల్ 

విశ్వజనీన చైతన్య స్ఫూర్తి

మహిళా సాహితీ వేత్తల

అపూర్వ సమ్మేళనంలో

పాల్గొన్న శుభతరుణం

               *శ్రీమణి*

🙏🌹🌹🌹🌹🙏

🙏మహిళ🙏

ఆడుబుట్టువు లేక ఆదిఅంతములేదు 

సుదతి  లేని  సృష్టి శూన్యమేగా.. !ఇక

మహిళ లేని మహిపై మనుగడేదీ

పడతి పుట్టుక లేక పరిపూర్ణతుండునా..

ఇభయాన లేని ఇహముండునటయా..

కలకంఠి లేక కళగట్టునానేల

అనంతజీవన ప్రస్థానంలో 

ఆమే జగతికి ప్రధమస్ధానం

అరుదగు వాక్యం స్త్రీ మూర్తి 

అక్షరాలకందని భావం 

అత్యధ్భుత కావ్యం

అనంతసృష్టికి ప్రతిరూపం 

అమృతమయమవు 

ఉర్వీ రూపం

అమ్మాయి గా పుట్టి 

అర్ధాంగిగా మెట్టి 

అమ్మగా మరుజన్మమెత్తి 

అడుగడుగునా త్యాగం,

అంతులేని అనురాగం 

రంగరించి అద్భుతమైన స్త్రీ జన్మను 

సఫలం గావించిన స్త్రీ మూర్తిని 

పొగిడేందుకు చాలునా 

పృధివి పైన పదాలు. 

రాసేందుకు చాలునా... రాతాక్షరాలు, 

ఊహించగలమా !

మహిళ లేని మహిఆనవాలు 

జననిలేదన్నచో జగమున్నదటయా...

యోచించిచూడరే ఒక ఘడియయినా

పూజించుపడతిని..

పుడమితల్లిగనెంచి

గౌరవించుము తనని ఆదిశక్తిగతలచి.

*మహిళా దినోత్సవ శుభాకాంక్షలతో*

          *సాలిపల్లిమంగామణి(శ్రీమణి)*

              విశాఖపట్నం

అంతఃసౌందర్యం

అంతఃసౌందర్యం*

అందమంటే మనిషిదా..!
అందమైన మనసుదా...!
పట్టరాని అందమంటే
పైపైన సౌందర్యమా...
అపురూప లావణ్యమంటే
రూపురేఖలకే పరిమితమా...
అంగాల అమరిక కాదు గదా అందం
అంతరంగ సోయగమే
అత్యద్భుత సౌందర్యం
అచ్చంగా అందమంటే
స్వచ్ఛమైన మనసేగా...
ఆత్మశుద్ధితోనే సాధ్యమగును
అద్వితీయ ఆనందం
అంతఃసౌందర్యమే...దానికి
అనువైన సాధనం
కాలగమనంలో కరిగిపోయేది
బాహ్యసౌందర్యమైతే
అక్షయమైన ఆనందం
మనసునంటిన సౌశీల్యమనే మకరందం
పైపైన మెరుగులకే
ఆకర్షితమౌతాము గానీ
హృదయాంతరాళాలను
తరచి చూడమెందుకో...?
బాహ్యమైన సొగసులకై
బంధీలమే గానీ బహుకాలం
నిలుచునా...పలుచనైన ఆబంధం
నిజమైన అంతఃసౌందర్యం గాంచిన
అనుబంధం విడివడునా.. ఏనాడైనా...
చక్కదనం అంటే చక్కని ఆలోచనావిధానం
ఒసపరితనమంటే
చెక్కుచెదరని ఆత్మవిశ్వాసం
ఎనలేని అందమైనా మనలేదు
మేలిమంటి మనసు ముందు
అందులకే నేస్తం
అందమైనమాట
అందమైన ఆలోచన
అందమైన నడత
ఆదుకునే గుణముంటే
ఆద్యంతం ఆ అందం మన సొంతం
అసలు సిసలు ఆనందమే
ఆసాంతం.

*సాలిపల్లి మంగామణి(శ్రీమణి)*