నమస్కారం

అందరికీ నమస్కారం

జాబిలికి జాబు

ఒక నిశిరాతిరి
నాలో ముసిరేసిన 
తియతీయని భావాలను 
దోసిలినింపి‌....వాటికి
కాసిన్ని అక్షరాలనద్ది‌,
జాబిలికి......
జాబురాసుకున్నా..
ఒకనాటి పున్నమిరేయి
వెన్నెల వాకిట్లో...
కవన పూలవాన
కురవాలని,
అది కాంచిన నామది
మకరందం చవిచూడాలని,
అడిగాననో...లేదో
నిదురించిన
నాకనురెప్పలపై
సుతిమెత్తని స్వప్నంలా
అరుదెంచాయి
అత్యద్భుత కావ్యాలేవో...
అందమైన నా ఊహకు
అచ్చమైన ప్రతిరూపంగా..
ఒక నిశిరాతిరి
నాలో ముసిరేసిన
తియతీయని భావాలను
దోసిలినింపి‌....వాటికి
కాసిన్ని అక్షరాలనద్ది‌,
జాబిలికి......
జాబురాసుకున్నా..
ఒకనాటి పున్నమిరేయి
వెన్నెల వాకిట్లో...
కవన పూలవాన
కురవాలని,
అది కాంచిన నామది
మకరందం చవిచూడాలని,
అడిగాననో...లేదో
నిదురించిన
నాకనురెప్పలపై
సుతిమెత్తని స్వప్నంలా
అరుదెంచాయి
అత్యద్భుత కావ్యాలేవో...
అందమైన నా ఊహకు
అచ్చమైన ప్రతిరూపంగా..
జాబిలి నాకిచ్చిన
జవాబు కాబోలు‌....
శ్రీమణి  

హతవిధీ

అతుకుల,గతుకుల
బ్రతుకుబాటలో....
బితుకు,బితుకుమని
మెతుకులు కోసం
వెతుకులాటలివి
వెతలే...గతులై
చితికిపోతున్న
చిన్నారుల,కన్నీటి కతలివి.
ఆదుకొన...లేక
అతీ...గతీ....చూడలేక
అక్కున చేర్చుకోనూలేక
చేతకాక....
చేయూత నీయలేక
హతవిధీ...అని
చతికిలపడి
చేతలుడిగి నే రాస్తున్న
చేతగాని రాతలివి
ఆ అభాగ్యులనాదుకొనగ
ఆర్తితో,అభ్యర్ధన చేయ
ఆభగవంతునికి
నాదు కన్నీటిజోతలివి😰

శ్రీమణి

అఖండజ్యోతి..."స్త్రీ" మూర్తి

అమృతమూర్తీ...
ఓ  "స్త్రీ"మూర్తీ
ఆదిశక్తీ...
అవనిపై వెలిగే  
''అఖండ జ్యోతీ ''
ఏ కవి వర్ణించగలడు 
నీ  స్త్రీ జాతి కీర్తి
ముత్తెపు సిరుల 
మృదు దరహాసం
ముదితా ....నీ  సొంతం
మంచు తుంపరల
చల్లదనం నీ మది సాంతం
నీ  ఆదరణతో ..ఆ ధరణిని తలపించీ,నీ ఔదార్యం ఈఅవనికి ఆభరణం చేసీ
మమత మానవత 
నిర్వచనం నీవై
అనురాగం ఆప్యాయత  చిరునామావై
అనంత సృష్టికి ప్రతిరూపం నీవై
జగతిని వెలిగించే దీపం నీవై
ఓ  జననివై
తనయవై
సహోదరి నీవై
సహధర్మచారిణివై
నీ కర్తవ్య పాలనలో
కృతకృత్యురాలవై
అన్నింటా  నీ జాతి
ముందడుగేస్తున్నా ..
కన్నీట కరుగుతున్న కధలెన్నెన్నో ..
కటికచీకట్లో మ్రగ్గుతున్న వ్యధలెన్నెన్నో...
స్త్రీ ని గౌరవించండీ
అదే....జాతిప్రగతి
అతివను రక్షించకుంటే
అదిఅవనికి...అధోఃగతి
మహిళను పూజించుటయే మనమహోన్నతసంస్కృతి
కాపాడండి...స్ర్తీజాతిని
ఇనుమడింపచేయండి
మహిళాఖ్యాతిని
ద్విగుణీకృతం గావించండి
దివ్యమైన వనితాశక్తిని
పెంపొందించండి
అతివలోధైర్యమూ..స్ధైర్యమూ,
సహకరించి,ప్రోత్సహించి
ప్రోద్భలమందించి..
అన్నదమ్ములందరినీఅభ్యర్ధిస్తూ
మహిలో మహిళామూర్తులను
గౌరవించే
మహోన్నతమూర్తులందరికీ
సహస్రకోటి వందనాలతో
        .... శ్రీమణి

జాబిలికి జాబు

ఒక నిశిరాతిరి
నాలో ముసిరేసిన
తియతీయని భావాలను
దోసిలినింపి‌....వాటికి
కాసిన్ని అక్షరాలనద్ది‌,
జాబిలికి......
జాబురాసుకున్నా..
ఒకనాటి పున్నమిరేయి
వెన్నెల వాకిట్లో...
కవన పూలవాన
కురవాలని,
అది కాంచిన నామది
మకరందం చవిచూడాలని,
అడిగాననో...లేదో
నిదురించిన
నాకనురెప్పలపై
సుతిమెత్తని స్వప్నంలా
అరుదెంచాయి
అత్యద్భుత కావ్యాలేవో...
అందమైన నా ఊహకు
అచ్చమైన ప్రతిరూపంగా..
జాబిలి నాకిచ్చిన
జవాబు కాబోలు‌....
                  శ్రీమణి

కాలమా

మంగామణి(శ్రీమణి) సాలిపల్లి:
కాలమా....కణకణమండే
నిప్పుల్లో నను కాల్చేసినా...
నే నిరాశలో కూరుకుపోను
నిగనిగలాడే అగ్నిబీజమై అవతరిస్తా..
నేనడిచే దారుల్లో రాళ్ళు,ముళ్ళూ
పేర్చి నువు పరీక్షించాలనుకున్నా...
ఉస్సూరంటూ..
నిస్పృహలో కూరుకుపోను
నిరాశతో....
నిట్టూరుస్తూనిలబడిపోను
లక్ష్యం చేరే తీరతాను
లక్షల ఆటంకాలున్నా....
నిన్నటి నా కలలన్నిటినీ
నిర్ధాక్షిణ్యంగా..నువు చిదిమేసినా....
రేపటివాస్తవమై,ఉదయిస్తూనేవుంటా...విజయానికి శంఖారావం
పూరిస్తూనే వుంటా...
నిన్న నాది కాకున్నా...
ఉన్నమాట చెబుతున్నా...
రేపు మాత్రం నాదే
ఓటమి గోడపై రాసుకున్న
గెలుపుసూత్రం మాత్రం నాదే....
లేదు,రాదు, కానేకాదనే
వదులైపోయిన పదాలకికచెల్లు
కనుచూపు మేరలో
రెపరెపలాడే విజయకేతనాన్నే
ఇక వీక్షిస్తుంటాయి నాకళ్ళు
మళ్ళీ,మళ్ళీ....
పడిలేచే కెరటం నా ఆదర్శం
పరుగులు తీసేకాలంలో
ఎదురీదే ప్రతి ప్రయత్నంలో...
చిగురించే మోడే నాకు మార్గదర్శకం
పునరుజ్జీవన మంత్రంలో...
కారుమబ్బులు కమ్ముకొస్తున్నా...
కటికచీకటి ముసురుకొస్తున్నా...
కాంతి రేఖకై అన్వేషిస్తూనే వుంటా....
నాకల కరవాలంచేబూని,కవినై
ఉదయించే రవినై....కలకాలం
జీవిస్తూనే వుంటా...
నేచిరంజీవినై.     
   సాలిపల్లి మంగామణి(శ్రీమణి)

ఈరోజు కర్నాటక ఆంధ్రజ్యోతి లో

ఈరోజు కర్నాటక ఆంధ్రజ్యోతి దినపత్రికలో నా కవిత ఓ "మహర్షీ...ఓ మార్గదర్శీ"

రచయిత్రుల మహాసభలు

ఆంధ్రప్రదేశ్ రచయిత్రుల మహాసభలు ఎన్నోఅమూల్యమైన అనుభూతులు
అత్యున్నత వ్యక్తుల పరిచయాలు...
ఎందరో సహ రచయిత్రుల కలయికతో,అద్భుతమైన అనుభవాలను
చవిచూపించాయి...
ఈ మహాసభలను
అత్యంత వైభవోపేతంగా....
ప్రతిష్టాత్మకంగా నిర్వహించిన
కృష్ణాజిల్లా రచయితల సంఘం
వారికి హృదయపూర్వక అభివందనాలు తెలుపుకుంటున్నాను సత్కారాలు పొందిన రచయిత్రులు, ఆహుతులైన
సహ రచయిత్రులు అందరికి అభినందనలు.... తెలియజేసుకుంటూ....
సాలిపల్లి మంగామణి(శ్రీమణి)
🌹🌹🌹🌹🌹🌹🌹🌹