అడగక ముందే అన్నీ ఇచ్చిన నాన్నా ....
నువ్వు మా ప్రాణం కన్నా మిన్న
అమ్మకడుపారా జన్మిచ్చినా గాని ,
మా చిటికిన వేలును పట్టి మార్గదర్శిగా మారి
చిట్టి ,పొట్టి తడబడు అడుగుల దారు
ల్లో నీ అరిచేతిని పానుపుగా పరచి
బొజ్జ నింపిన అమ్మకు సరిగా
అనురాగపు ఉగ్గుపాలు తాగించి అమ్మనే తలపించావు .
అమృతాన్నే చవి చూపించావు ,నీ లాలనలో. .
ఎన్నెన్ని సంఘర్షణలతో నువ్వు తలమునకలవుతున్నా
చిరునవ్వులే మా మోమున విరబూయించావు
కష్టాలు కన్నీళ్ళకు కావలి కాసి,
ఆవల ఆనందపు అంచులలో నను కూర్చోబెట్టావ్ .
మా నవ్వుల ముత్యాలను నీ దోసిట నింపి
ముత్యాల జల్లు మా జీవితాలకు కానుకనిచ్చావు
మేం ఎంతెత్తుకు ఎదిగినా.... మీ అడుగుజాడలే మా ఆదర్శం
మీ అంతగా మేం ఎదిగినాగాని ... మీ కనుసైగలే మాకు శిరోధార్యం
మా తుది శ్వాస వరకు అమ్మా ,నాన్న ఒడి మా సొంతం కావాలి
ఆనక ఆపై వాడు తధాస్తు !అంటూ ఆశీర్వదించాలి
నాన్నా !ఎన్ని జన్మలయినా నీ బిడ్డగానే జన్మించాలి
ఆ దేవుడే వరమిస్తానంటే !వెనువెంటనే అడిగేస్తా
నాన్నకి బిడ్డగ జన్మజన్మలకీ జన్మించే భాగ్యం ఇమ్మని
(ప్రేమతో.... మా నాన్న గారికి)
సాలిపల్లి మంగామణి @శ్రీమణి
కామెంట్‌లు లేవు:
కామెంట్‌ను పోస్ట్ చేయండి