*సినారె*

ఉరికే ఘన
సాహిత్యపు ఝరి *సినారె*
వెలిగే
కవన రాజ శిఖరి *సినారె*
మధురిమల
పలుకుసిరి .... *సినారె*
సిరి చందనాల
విభావరి........ *సినారె*
రసరమ్య
పద లాహిరి.....  *సినారె*
తెలుగు భాషలో
వెలుగై విరబూ *సినారె*
వేల హృదయాలు
మధురంగా దోచే *సినారె*
అక్షరాలలో
అమృతాన్ని కలబో *సినారె*
పదములనె పంచదార
పాకంలోముంచి తీ *సినారె*
అశేష భారతావనిని
తన పాటల పల్లకిలో
పరవశింప చే *సినారె*
మమ్మలరింప  చే *సినారె*
మా మనసులు కాజే *సినారె*
ఎంతపనిచే *సినారె*
ఇంతలోనే
గగనసీమకెగ *సినారె*
మము కన్నీళ్ళ పాల్జే *సినారె*
శోక సంద్రాన ముంచే *సినారె*

అక్షరవనమాలికి
అక్షరనివాళులర్పిస్తూ...
                               *శ్రీమణి*