ఎల్లా వేగేదీ నీతో ...
నేనెల్లా సాగేది నీతో...
నల్లని వాడా... నావల్ల కాదిక
గొల్లపల్లంతా గొల్లుమందిక
తెల్లతెల్లవారకనే నీ అల్లరే
మాకు మేలుకొలుపా!
కన్నులు కలనుండి కదలకనే
కలహాలే మాకు పొద్దుపొడుపా !
అల్లన గొల్లపిల్లను చేరి,
అచ్ఛికబుచ్చికలాడావంట.
అంచయాన జడకుచ్చులు లాగి,
జర్రున జారుకొన్నావంట.
జలకాలాటలో కలిచిలుకల చేరి,
జలతారువలువలు దోచావంట.
పాలుపెరుగు దొంగిలించావంట,
జున్నులు ఎంగిలి చేశావంట,
వెన్నమీగడలు దోచావంట.,
అమ్మణ్ణి నోటికి పూసావంట .,
కొప్పుల గొడవలు పెట్టావంట.
ఉట్టిలో కడవలు కొట్టావంట
తాళలేనిక నీ అల్లరి చాలిక
రోళ్ళు తాళ్లే నీ నేస్తాలింక.
కామెంట్‌లు లేవు:
కామెంట్‌ను పోస్ట్ చేయండి