మరువగలమా...
మహాభిజ్ఞా.మహోన్నతమౌ
నీ మానవతా గరిమా...,
అభివర్ణించగలమా...అభిజ్ఞా..
నీ అత్యద్భుత కర్తవ్యధీక్షా పటిమ.
అక్షరాలుచాలునా.. అంబేద్కరా..
అలుపెరుగని అకుంఠిత సేవాస్ఫూర్తికి,
కడజాతి వారికై కదనరంగ
సింగంలా...ఎడతెగనీ..నీ తెగింపు.
మరువగలమా..
సమసమాజ స్థాపనకై
అస్ప్రశ్యత శృంఖలాల
తెగనరకుటకై,
వెలివాడల బ్రతుకుల్లో..
తొలిదివ్వెను రువ్వేందుకై
దళిత జనోద్దరణకై,
నువ్విచ్చిన పిలుపును,
మధన పడే బ్రతుకుల్లో...
నువ్విచ్చిన ఓదార్పును,
మరువగలమా...
నువ్వందించినమహోత్క్రుష్ట
రాజ్యాంగంతో, సమానత్వానికై
నువు సాగించిన సమరాన్ని,
మరువగలమా...
ధరిత్రి వున్నంతవరకూ..
చెరగని చరిత్ర కదా..నీ తలంపు.
ఓ.మనీషీ...
ఓ..మహర్షీ...
ఓ...మహాభిజ్ఞా...
ఓ....మార్గదర్శీ...
ఓ.....మానవతామూర్తీ...
ఆచంద్రతారార్కమూ..
భరతజాతి అభివందనాలు మీకు,
నిమ్నజాతికై నిన్నటి నీ కృషికి
నిత్య నీరాజనాలు మీకు,
అంతరాలు చెరిపేసి
సమాంతరాలు కల్పించిన
కరుణాంతరంగుడా..
వందల తరాలు మారినా..
వేలవేల అభివందనాలు మీకు...
అంబేద్కర్ వర్ధంతి సంధర్భంగా...
నివాళులర్పిస్తూ
సాలిపల్లి మంగామణి (శ్రీమణి)
కామెంట్‌లు లేవు:
కామెంట్‌ను పోస్ట్ చేయండి