నీకోసం
నీకోసమే నే వేచియున్నా...
ప్రతి కదలికలో నిన్నే చూస్తున్నా
ఆ జాబిలి నీవైతే ...
కలువను నేనవుతా
ఆ మధుపం నీవైతే ...
మధూలికను నేనవుతా
నీలాకాశం నీవైతే ...
హరివిల్లును నేనవుతా
ఆ మనసిజుడివి నీవైతే ...
నీ మనసెరిగిన
సతి నేనవుతా
కన్నులు నీవైతే ...
భాష్పం నేనవుతా
అధరం నీవైతే
ధరహాసం నేనవుతా
మెరిసే మేఘం నీవైతే ...
మురిసిన మయూరి
నేనవుతా
చిగురుమావి నీవైతే ...
చిరు కోయిల నేనవుతా
ఆ మాధవుడవు నీవైతే ...
నీ రాధిక నేనవుతా ....
సాలిపల్లిమంగామణి(శ్రీమణి)
కామెంట్‌లు లేవు:
కామెంట్‌ను పోస్ట్ చేయండి