శ్రీ శ్రీ గారి జయంతి

శ్రీశ్రీ నాటిన అభ్యుదయ
  సాహితీ వనంలో .. 
నే గడ్డిపూవునయినను చాలు
ఆ రేడు నడిచిన దారిలో......
ఇసుక రేణువునయినను చాలు
ఆ అభీకుని కలం విదిల్చిన
సిరా బొట్టు నయిననూ  చాలు
ఆ మహనీయుని కలానజారిన కవనంలో ....... 
నేనొక అక్షరమయిననూ చాలు
ఆ దార్శనికుని కవితా కడలిలో   చిన్ని అలనయినా చాలు
భాదిత జనాల బాసట  నిలువగ,
పీడిత జనాలకూపిరులూదగ ,
కవి తలపెట్టిన మహాయజ్ఞం
కొనసాగించుటకై ,
నే ఉడత సాయమందిస్తా ... 
సమ సమాజ స్థాపనలో ,నా
చిరు కవితాబాణం సంధిస్తా .... 
(మహాకవిశ్రీశ్రీగారిజయంతిసందర్భంగా నివాళులర్పిస్తూ....)
               
                              శ్రీమణి