విజేత నీవే

ఓటమి అంటూ ఉస్సూరంటే  విజేత కాగలవా కలలోనైనా ...
అమావాస్య అంధకారాన్ని అధిగమించక   .. పున్నమి వెన్నెల వెల్లి విరి సేనా ..
చేదునూ  చవి  చూస్తేనే కదా .. మధురపు రుచి పదింతలై తోచేది
దూరం అంటూ ఆగి కూచుంటే , తీరం  చేరే దారేది.
కష్టనష్టాలు దాటిన నాడే కదా   , అంతు లేని సౌఖ్యపు హాయి
 కణకణ మండే నిప్పుల్లోనే    పచ్చని పసిడి నిగ్గు తేలేది .
విధి విషమంటూ .. దూషిస్తూ కూచుంటే  అదృష్టానికి దరి చేరేదేనాడు
అలుపెరుగక శ్రమియిస్తే .. సాధించలేనిదేముంది .  ఈ లోకాన
ప్రతీ క్షణాన్ని పదిలంగా వినియోగిస్తూ .. ఇంకేముంది చేయాల్సిందని
కాలాన్నే  .. నిలదీశావో ! నిను మించిన   ధీమంతుడు   ఉంటాడా ఉర్వీ తలంపై .
చేసిన పనిలో దైవాన్ని కాంచావంటే , నీ  కనుసన్నల్లో విజయపు సోపానం  .
                                                                      (నా మాటలతో ఏకీభవిస్తారా .. )                                                    
                                                                            సాలిపల్లి మంగా మణి @శ్రీమణి