నేను అమ్మని ,

నేను  అమ్మని , 

ఒకప్పుడుఆ  బ్రహ్మ చేసిన బొమ్మని ;

తదుపరి అమ్మ గర్భంలో ఒక కమ్మని కదిలికను , 

ఆనక నాన్న కన్నుల్లో  ఆనందపు చెమ్మని ,

మొన్న నా వలపుల రేడుకి ముద్దు గుమ్మని , 

నిన్న బిడ్డకి  జన్మనిచ్చిన అమ్మను ,

అక్షరాలు దిద్దించి మంచి చెడులు నేర్పించిన , మొదటి పంతులమ్మను ,

కొత్త పదవి తో  , అయ్యాను అత్తమ్మను , 

ఆనక పిట్ట కధలు చెప్పే బామ్మను . 

చివరి మజిలీ చేరే నాటికి  అమ్మను కాను, ఎవరికీ ఏమీ కాని వ్యర్ధమైన జన్మను 

బిడ్డలకడ్డొచ్చిన  అవిటి బొమ్మను , 

అంగట్లో విసిరేసిన  దూళి , దుమ్మును 

(కన్న తల్లిని నడి రోడ్ల మీద వదిలెళ్లిన నయ వంచకులను కన్న తల్లి కన్నీటి రోదన )

                                               సాలిపల్లి మంగామణి @శ్రీమణి