ఆశ.. చిన్ని చిన్ని ఆశ..

ఆశ... చిన్ని చిన్ని ఆశ..
సంధ్యాసమయంలొ,

భానునితో దోబూచులాడాలని ఆశ
వర్షించే సమయంలో,

హరివిల్లుపై నాట్యమాడాలని ఆశ
మేఘమాలికపై ఊయలలూగాలని ఆశ
నిండు పున్నమిలో,  వెండి వెన్నెలలో,

పారిజాతపానుపుపై నిదురించాలని ఆశ
పంచవన్నెల చిలుకలా ఎగిరిపోవాలని ఆశ
మానస సరోవరమున చేరి 

రాయంచల సరసన జలకాలాడాలని ఆశ

చుక్కలపల్లకిలో విహరించాలని ఆశ

ఈ భువిని వీడి నీలిమేఘములకేగి
హాయి హాయిగ సాగి జాగుసేయక 

చంద్రబింబమును చుంబించాలని ఆశ
ఆశ.. చిన్ని చిన్ని ఆశ...