చెప్పుకోండి చూద్దాం..... నేనెవరో చెప్పుకోండి చూద్దాం ???

పచ్చని మైదానంలొ 

పచ్చికపై జాలువారు కిరణము నేను

పున్నమి రాతిరిలో మనసును ఆహ్లాదపరచు

వెండివెలుగు రేఖను నేను 

విరిసీ విరియని రోజారేకున

ఊగిసలాడిన హిమబిందు నేను 

సంకురాతిరి సంధ్య వెలుగులో 

పడతి వాకిట తీర్చిదిద్దిన  రంగవల్లిని  నేను 

పురివిప్పిన నెమలికి అరుదగు నాట్యం నేర్పిన 

అచ్చర నర్తకి నేనే 

విరజాజులార, విచ్చిన చామంతులారా 

ఎగిసే కెరటాల్లార,

పయనించే నీలి మబ్బుల్లార,

చెప్పుకోండి చూద్దాం.. 

నేనెవరో చెప్పుకోండి చూద్దాం ???