*నిశి వేదన*
చీకటి మ్రింగిన వెలుతురు దీపం
ఉప్పెనలోనే ఊపిరికెరటం
బడబానలమే బ్రతుకు సముద్రం
విషం చిమ్మిన కాలసర్పం
మరణచట్రంలో మనిషిప్రాణం
విషణ్ణవదనాలు ,విషాదసంకేతాలు
విచిత్రమైన అనిశ్ఛితి,విపత్కర పరిస్థితి
మునుపెన్నడూ మనిషెరుగని
నిశ్శబ్ద ప్రఘాతం
ప్రభాతమెరుగని నిశిరాతిరి నిశ్శబ్దం
ముసురుకొస్తుంది మృత్యుకౌగిలి
విస్తుపోయిచూస్తుంది విశ్వమనేలోగిలి
తెరిపిలేని ఆవేదన సుడిగుండంలో
ఆవలతీరమనే ఆనందపు తెరచాపను అన్వేషిస్తూనే అలసిపోతుంది కంటిపాప
నేనేం రాయాలి పగిలిపోతున్న
హృదయాలనా, రసిగారుతున్న గాయాలనా,రాలిపోతున్న జీవితాలనా,
రగిలిపోతున్న వైపరీత్యాలనా,
కలం ఎలా కదలించను
మనుగడ పునాదులే మరణశయ్యలై
తారసిల్లుతుంటే వేదన నిండిన హృదయంతో
ఏ అక్షరాలు వెదజల్లగలను కాలం కాగితంపై కన్నీటి సిరాతో ...
పరితపిస్తున్న ప్రపంచానికి
ఏ ఆశావహ కవనమాలికను బహూకరించగలను
నిశి వేదన కరిగించాలని
మిసిమిని కాస్త వేడుకోవడం తప్ప
మనస్థైర్యమనే మంత్రోచ్చారణలో
మా మనుషుల గుండెలను
బలోపేతం చేయుమని భగవంతుని
బ్రతిమాలుకోవడం తప్ప.
*సాలిపల్లి మంగామణి ( శ్రీమణి)*
Nijame kalam manadikadu God manaki eichhina janmani saardhakam chesukokunda yewariki nachhinanattu waru bathikaru chakkani srustini eichhina God ni lekka cheyaka thagudu vyabicharam manabangalu goppawadu bidhawadini dochukovadam vaya warasalu lekapowadam eila cheppukuntapothe yenno God anukunna jiwana vidhanm lekapowadame e anardhsniki karanm jyanam eichhina manvudu eila prawarthisthe eituwanti Nisi wedhanale wasthaei srusti anthaniki mulakaranam ride thappadu manchiwallu bali avvali cheddar wallu bali avvali correct ga chepparu msnigaru meelanti wallu ei lokam kallu theripinchandi raboye tharalawallakosam. srustiunte������������✍������������
రిప్లయితొలగించండి