మేలైన తరుణమనీ...,

మేలైన తరుణమనీ...,

మేలుకొంటి వేకువనే

మేలిమి బంగరుసామిని

మేలుకొలుప

మేలైన తరుణమనీ...,

మరులు గొలిపె మాధవునికి

మరుమల్లెల మాలనల్లి

మనసారా ... మోకరిల్లి

మదిలో మెదిలే మధుర

భావాలను...

మదన గోపాలుని

పాదాలపై పదిలంగా పరిచానంతే..,

మువ్వగోపాలకృష్ణా...యని

ముదమారా...పిలిచానంతే...,

ప్రణయ సుధా మాధవా...అని

ప్రియమారా...తలచానంతే...

తనువు,మనసూ తదేకమై

తన్మయమై

తన తలపులు లోగిలిలో

తలవాల్చుకునిదురించిననాకు,

మరుమల్లియ మాల...విరిసిన

నా కవితల పూమాలై

కనుల ముందు సాక్షాత్కరించింది...

కమలాక్షుడిలా కటాక్షించె 

కాబోలు..... కడుచిత్రంగా..,

(మాధవుడే నేను నడిపించే నాగురువు )

*గురుపౌర్ణమి శుభాకాంక్షలతో*

*సాలిపల్లి మంగామణి (శ్రీమణి)*