🌸🎼🌸🎼🌸🎼🌸🎼🌸🎼🌸
ఏ గానమాలకించగానే..
గగనం సైతం పులకిస్తుందో...
ఏ స్వరం వినగానే మది
మరుమల్లెల పరమవుతుందో
ఏ గాత్రం వింటూనే...
ప్రతి హృదయానికి
చైత్రం ఎదురవుతుందో..
ఏ మరందపు పాటల ఝరిలో..
రాగాలన్నీ... మానసరాగాలై
పరవశమవుతాయో...
ఎవరి గళంనుండి
అమృతం అలవోకగా
జాలువారుతుందో...
ఎవరి గొంతు వినిపించగానే...
ఆబాలగోపాలమూ
ఆనందరాగమాలపిస్తుందో...
ఆమే....
మనసుస్వరాల కోయిలమ్మ
మనసెరిగిన మన సుశీలమ్మ
అవును ఆ కంఠం మనసుమనసునూ
తట్టిలేపుతుంది..
తాను పాడిన పాటకు
తనువంతా... తన్మయమై
వెన్నెలతానమాడుతుంది
ఆమెపాడితే... మైమరచి
మన మది... మకరందం చవిచూస్తుంది
ఆమెపాడితే... ప్రకృతి పరవశమై ప్రణయ వీణలు మీటుతుంది
ఆమె పాడితే ఎద ఎదలో
మధురోహల పూదోట
విరబూస్తుంది
ఆహా..ఎంత భాగ్యము నాది
గాన కోకిలకు
చిరుకవనమర్పించ
నా కలమునకెంతటి సౌభాగ్యమో...
ఆ సంగీతసామ్రాజ్ఞిని సన్నుతించ
ఆ అపర విద్యున్మాలినికీ...
ఆ సుస్వరాల సుమ మాలినికీ...
అక్షర నీరాజనాలర్పిస్తూ...
సుస్వరాల పూలకొమ్మ
సుశీలమ్మకు
పుట్టినరోజు శుభాకాంక్షలతో
సాలిపల్లిమంగామణి(శ్రీమణి)
🌸🎼🌸🎼🌸🎼🌸🎼🌸🎼🌸
కామెంట్‌లు లేవు:
కామెంట్‌ను పోస్ట్ చేయండి