జననీ జ్ఞానప్రదాయిని శ్రీవాణీ
విద్యున్మాలిని వీణాపాణీ శర్వాణీ...
సౌదామినీ శాస్త్రరూపిణీ సువాసినీ....
అక్షర రూపిణీ అమృతవర్షిణీ
అర్చింతును హంసవాహినీ
నిను అక్షర మాలికల తోడ
నిత్యం కొలుచు కొందు
కొంగు బంగరు తల్లీ
నిను చిరు కవనమ్ముల తోడ
ప్రణమిల్లెద పద్మలోచనీ
నీ పాదాల చెంత
కవితా కుసుమాలతో
అనుగ్రహించు అక్షరరూపిణీ
ఈ సాహిత్యాంబుధిలో
నీటి బొట్టై నిలిచేందుకు
ఆశీస్సులందించు అమృతవర్షిణీ
మా హృదయంలో అనునిత్యం నువ్వుదయించీ...
మాపై నీ దయ నుంచీ ప్రసరింపుము
పలుకు తేనెల తల్లి సాహితీ కల్పవల్లి
నీ కృపాకరుణా కటాక్ష వీక్షణాలు
నా ఈ చిరు కవితార్చనపై
వసంతపంచమి శుభదినం సరస్వతీ దేవి పాదపద్మములకు చిరు కవితార్చన
సాలిపల్లిమంగామణి (శ్రీమణి)
కామెంట్‌లు లేవు:
కామెంట్‌ను పోస్ట్ చేయండి