పేజీలు

బ్లాగు వీక్షకులకు నా హృదయపూర్వక నమస్కారములు

HTML codes

14, ఏప్రిల్ 2017, శుక్రవారం

మరువగలమా..మహాత్మా...

మరువగలమా...మహాత్మా...
మహోన్నతమౌ నీ మానవతా గరిమా...,
అభివర్ణించగలమా...అభిజ్ఞా..
నీ అత్యద్భుత కర్తవ్యధీక్షాపటిమ.
అక్షరాలుచాలునా....
అంబేద్కరా..
అలుపెరుగని
నీ అకుంఠిత సేవాస్ఫూర్తికి,
కడజాతి వారికై
కధనరంగ సింగంలా...
ఎడతెగనీ..నీ తెగింపు.
మరువగలమా..
సమసమాజస్థాపనకై
అస్ప్రశ్యత శ్రృంఖలాల
తెగనరకుటకై,
వెలివాడల బ్రతుకుల్లో..తొలిదివ్వెను
రువ్వేందుకై
దళిత జనోద్దరణకై,
నువ్విచ్చిన పిలుపును,
మధనపడే బ్రతుకుల్లో నువ్విచ్చిన ఓదార్పును,
మరువగలమా...
నువ్వందించిన మహోత్క్రుష్ట రాజ్యాంగాన్ని,
సమానత్వానికై నువు సాగించిన
సమరాన్ని,మరువగలమా...
ధరిత్రి వున్నంతవరకూ..
చెరగని చరిత్ర కదా..నీ తలంపు.
ఓ..మనీషీ...
ఓ..మహర్షీ .
ఓ ..మహాత్మా..
ఓ..మార్గదర్శీ..
ఓ..మానవతామూర్తీ...
ఆచంద్రతారార్కమూ..
భరతజాతి అభివందనాలు మీకు,
నిమ్నజాతికై నిన్నటి నీ కృషికి
నిత్య నీరాజనాలు మీకు,
అంతరాలు చెరిపేసి
సమాంతరాలు కల్పించిన
కరుణాంతరంగుడా..
వందల తరాలు మారినా..
వందల అభివందనాలు మీకు...
అంబేద్కర్ జయంతి సంధర్భంగా...నివాళులర్పిస్తూ.....                    

                          శ్రీమణి

కామెంట్‌లు లేవు:

కామెంట్‌ను పోస్ట్ చేయండి