పేజీలు

బ్లాగు వీక్షకులకు నా హృదయపూర్వక నమస్కారములు

HTML codes

14, జులై 2016, గురువారం

పడిపోయా... పడిపోయా...


నీ రూపుకు పడిపోయా... 
నీ కొంటె చూపుకి పడిపోయా..... 
నీ నీలి ఛాయకు పడిపోయా... 
నీ మురళికి పడిపోయా .. 
నీ పలుకుల రవళికి పడిపోయా... 
మోహనకృష్ణా!నీ మురిపాల లోగిలిలో 
ముద్దు మురిపాల కౌగిలిలో... 
నేనంటూ ,నాకంటూ, లేకుండా పడిపోయా 
పడిపోయా... నీ ప్రణయపు జడిలో .. 
తొలి చూపులోనే మైమరపులహాయిలో,
చెలికాడా ...  నీ  వలపుల వలలో  పడిపోయా... 
మైమరచిపోయా... మదిని వదిలేసిపోయా  ...   
మకరందంలో... 
నీ వలపుల సుమగంధంలో...  ముద్దయిపోయా 
నులు సిగ్గుల మొగ్గై పోయా .
నీ తలపే నా  ఎదలో  గుభాళించగానే , 
 అల్లిబిల్లి నా పరువం నీతో  పల్లవించగానే 
అలవోకగా నీ పిలుపే పలకరించగానే, 
నీ కలయిక నడిరేయిలో కల రాగానే 
 నీ అడుగుల సడి,నా అలజడిని  ఊరడించగానే ,
వింత వింత అనుభూతులు చెంతచేరగానే 
నీ వలపే కవ్వింపై,మేను తాకగానే  
మదనా .. నా  మది మధనా 
ప్రియ వదనా,, ,ప్రణయసుధారాధనా.... 
పడిపోయా... పడిపోయా నీ ప్రణయపు జడిలో 
మైమరపుల జడిలో,నులు వెచ్చని నీ ఒడిలో ......
ఈ గుప్పెడు గుండె సప్పుడు ఎప్పుడు నీ కోసమే,
తిప్పలు పెట్టక  ,చప్పున రావా కృష్ణా!
                                            సాలిపల్లి మంగామణి @శ్రీమణి 







.. 

కామెంట్‌లు లేవు:

కామెంట్‌ను పోస్ట్ చేయండి