పేజీలు

బ్లాగు వీక్షకులకు నా హృదయపూర్వక నమస్కారములు

HTML codes

20, ఆగస్టు 2015, గురువారం

నీ నెచ్చెలి నేనెక్కడో ....



నీ తలపులు నా వలపులగుడి తలుపులు తట్టి
అలుపెరుగక మది వెలుపల నీ సవ్వడి వినగానే
బుగ్గ కంది చిరు సిగ్గులమొగ్గల మొలకయి
మెలకువ చేసింది,నిదురించిన నా హృదయాన్ని
అడుగులు తడబడిపోతున్నా,హృదయంపరుగులు తీస్తుంది
మనసంత నీ చింతయి  గిలిగింత పెడ్తుంది
అదేదో వింతలాగుంది.మరుమల్లెల  దొంతరలాగుంది
నా ఎదవాకిలిట  నీ ఊహల కళ్ళాపి చల్లి
రంగవల్లిగా మెరిసే  గగనపు హరివిల్లై
సుమ గంధాలే తనువంతా విరబూసినట్లై
ప్రణయ చందనాన్ని నా మది పై చిలకరించినట్టు
నీలిమేఘాల ఝరిలో నిలువునా తడిపేసినట్టు
క్షణక్షణం ,అనుక్షణం  నాలో నీ స్మరణే ప్రవహించి
నాలో నీవే నివశించి ,అణువణువూ ఆవహించి
 నీ వలపుల ఒరవడిలో మరచితి నేనున్నానని
నిను వలచిన మొదలు
నేనున్నానో ! నీలో నెలవున్నానో !
తెలియని సందిగ్ధంలో సతమతమవుతున్నా
నన్నెరిగిన నీకయినా తెలుసా !........
                    నీ నెచ్చెలి నేనెక్కడో ....                                              సాలిపల్లి మంగామణి @శ్రీమణి 

కామెంట్‌లు లేవు:

కామెంట్‌ను పోస్ట్ చేయండి